Glotzad is a besonderes Wort,
wead vermutlich nit richtig vastondn an jedem Ort.
Mit sich brings mehrere Bedeutungen,
im Folgenden bring i vor einige Erläuterungen.
Des Ding is nit hoorig, es is leer,
de Leit is de Mähne ausgonga, imma mehr.
De Oberfläche so glott, so glänzad, oft weaschts poliascht,
bei Regen und Kälte mittels Haube isoliascht.
A Babys & Neugeborene besitzen die Eigenschaft scho,
mit da Zeit nimmb da Zuastond owa o.
A Zeichen für Sympathie muas nit unbedingt dorstön,
oi Glotzadn send owa nit unsympatisch,des is zum klorstön.
Die Erklärung vo da Glotz is somit beendet,
im heiligen Land Tirol wird des Wort aber no vielseitiger verwendet.
Im Gegenzug zu einem „Na du spinnst!?“ oder zu einem „Echt wohr??“,
„Ez hod dea glotzad sei Ex geheiratet, i wead gonz gor!”
Sei duats zo da Dramatisierung vo a Information,
meist im Dorftratsch iwan Nochban von Neffen und den wiederum sein Stiefsohn.
Ma heats dort und do, verwendet von Oid und Jung,
„ez muas i da epas vazön, kimm hea an Sprung!“.
An Eggn-Peda sei runde Frau hod glotzad epas mitn Speascht-Hons am Laffn,
do homb de Nochban onascht zum Gaffn.
Am ondan Ende vom Tal is an Metzga so gonga,
sei Frau hod eam glotzad epas mitn Salami Vertreter ugfonga.
So lafft des im Dorfleben hoid monchmoi o,
vo do kimb des Wort hea, i hoff des is ez a klor.
Alle guten Dinge sind 3 und somit a de „glotzad“ Bedeutungen,
es unterstreicht nackte Tatsachen und Erläuterungen.
Wenn epas glotzad is, donn is des genau so und nit andersrum,
do kimb a nix dazua, es is und bleib genauso, kurzum.
Ma erfindt nix dazua, es muas so bleim wias dea Worheit entspricht,
glong wead nit, weder in an Bericht, no in an Gedicht.
Und genau so glotzad is a der Blog, i denk des so wias do steht,
reine Tatsachen, ehrliche Meinungen und so wias in mein Kopf vorgeht.
Denk da oafoch, „De siecht des glotzad aso?“,
akzeptier mei Meinung wia i deine, des is des A&O.
Vü Unterhaltung und Freid auf meina Seit,
ob Kotz, Monn, Pferd, Alien, Chamelion, Giraff oda Weiwaleit.